УИХ-ын чуулганы баасан гаригийн хуралдаан Төрийн болон орон нутгийн өмчит компанийн тухай хуулийн төслийг үргэлжлүүлэн хэлэлцэж байна.
Хэлэлцэх асуудалтай холбогдуулан УИХ-ын гишүүн Б.Пүрэвдорж үг хэлэхдээ “Сүүлийн үед төр бүх зүйлд оролцож, сошиалаар асуудалд ханддаг байдал хэрээс хэтэрч байна. Өчигдөр гэхэд Зайсанд хэдэн гэр буулгаж, тэндэхийн ажилчдыг баривчилж байна. Энэ арай хэтэрч байна. Төр зөвшөөрснөөсөө бусдыг чөлөөтэй явуулах ёстой. ААН-үүд хориглосноос бусад бүх зүйлийг хийх боломжтой. Гэтэл өөрсдөө тэнд аялал жуулчлалын үйл ажиллагаа явуул гэж зөвшөөрөл өгчихөөд буцаагаад дээрэмдэж авна гэдэг бол үнэхээр буруу." хэмээн бухимдсан.
Мөн Ш.Адьшаа гишүүн түүнтэй санал нэгтэй байгаагаа илэрхийлсэн.
Тэгвэл Хууль зүй, дотоод хэргийн сайд Х.Нямбаатар: Зайсанд гэр буулгаж, тэндэхийн ажилчдыг баривчилсан нь цагдаагийн байгуулага өөрсдийн санаачлагаар хийсэн зүйл биш. Цагдаагийн байгуулага хүсэлт гаргасан газрын хуулийн байгуулагын зөвшөөрлөөр ажилладаг. Энэ хүсэлтийг Нийслэлийн засаг дарга Д.Сумъяабазар гаргасан. нийслэл энэ талаар тайлбар гаргах байх. Цагдаагийн байгуулага тушаалаар ажилладаг болохоос сайн дураараа ажилладаггүй" гэв.