Эрүүгийн цагдаагийн албанаас Баянгол зочид буудал дахь "ХКҮ" ХХК-ийн үйл ажиллагаанд шалгалт хийж байна.
"ХКҮ" ХХК нь Ерөнхийлөгч асан Х.Баттулгын эгч Х.Цэндбаярын хувьцаа эзэмшдэг компани бөгөөд оффис нь Баянгол зочид буудалд байрладаг юм байна.
Эмээлтэд үйл ажиллагаа явуулдаг “Эм Ди Си Пи” ХХК-д холбогдох асуудал олны анхаарлыг татаад байна. Мах боловсруулдаг энэ үйлдвэрт махыг бодист оруулж, хөөлгөдөг, өнгө оруулдаг гэх мэдээллүүд цацагдаад байна. Харин мэдээллийн мөрөөр НМХГ, ШӨХТГ-аас шалгалт хийснээр “ХКҮ”, “Мах импекс” компаниудын нэр дурдагдах болсон.
Тодруулбал, тус үйлдвэрийн байрнаас “ХКҮ” болон “Мах импекс” компанийн логог наасан бүтээгдэхүүнүүд олдсон байдаг. Үүний дараа “Мах импекс” мэдэгдэл гаргаж, “Манай компанийн логог хуурамчаар үйлдэн ашигласан” хэмээсэн. Харин нэр холбогдож буй компаниудын ард хэн байна вэ гэдгийг дата мэдээллээс шалгаж үзэхэд "ХКҮ" нь Ерөнхийлөгч асан Х.Баттулгын эгчийнх гэдэг нь ил болсон билээ.
Эх сурвалж: Eguur.mn