Шүүхийн шинжилгээний үндэсний хүрээлэнд илгээмжээр эмэгтэй хүний цогцос хүргэгдэж ирсэн
гэх мэдээлэл гарсан.
Тодруулбал, өнгөрөгч амралтын өдөр Турк улсын Станбул хотын “Memorial Sisli” гэх эмнэлгээс
эмэгтэй хүний цогцос илгээмжээр ирсэн байна.
Тус мэдээллийн дагуу цагдаагийн алба хаагчид шалгаж, толгойн хэсэгтээ мэс заслын шархтай
нас барсан Монгол Улсын иргэн Хан-Уул дүүрэгт оршин суух хаягтай 37 настай эмэгтэйнх
болохыг тогтоожээ.
Талийгаач нь Турк улсад мэс засалд орсон гэх бөгөөд эд мөрийн баримтаар эмчилгээний
төлбөрийн баримт, эмчилгээний тэмдэглэл, илгээмжийн баримт зэргийг хураан авсан байна.
Энэ хэргийг Хан-Уул дүүрэг дэх цагдаагийн нэгдүгээр хэлтэст шалгаж, түүний үхлийн
шалтгааныг тодруулахаар ажиллаж байгаа юм байна.
Энэ талаар ЦЕГ-аас тодруулахад тус мэдээлэл үнэн бөгөөд журмаараа илгээмжээр ирэх
ёстой. Тус хэргийг Хан-уул дүүргийн цагдаагийн газар шалгаж байгаа гэх мэдээллийг өглөө.
Эх сурвалж: Zuv.mn