Украины хэвлэл мэдээллийн хэрэгслээр “Манай Зэвсэгт хүчин Оросын түрэмгийлэгч, домогт буриадыг устгалаа” хэмээн мэдээллээ. Украйнчуудын онцолсон тэрхүү домогт буриад нь "Ваха" хочит Владимир Анданов ажээ. Тэрбээр "Вагнер" зэвсэгт бүлгийн гишүүн бөгөөд 2014 оноос Донбасст Украины эсрэг байлдаж байсан гэнэ.
В.Анданов Харьков хотын ойролцоо тагнуулд явж байгаад мэргэн буудагчийн суманд өртсөн бөгөөд түүнийг амиа алдсаныг Буриадын “Боевое братство” нийгэмлэгийн тэргүүн Ж.Жанаев баталсан аж. В.Андановыг Улаан-Үд хотод оршуулах ажээ. Орос-Украйны дайнд Буриадаас 100 хол давсан цэргүүд амиа алдаад байгаа юм.