Ховд : “Цахим Ховд” хөтөлбөрийн хүрээнд “Нэгдсэн цахим төв” байгуулж, өнөөдөр үйл ажиллагаагаа эхэллээ.
Ингэснээр иргэд хамгийн их үйлчлүүлдэг Хөдөлмөр,халамжийн үйлчилгээний газар, Улсын бүртгэл, Нийгмийн даатгал, Газрын харилцаа зэрэг байгууллагын 40 гаруй үйлчилгээ, E-Мongolia цахим системээс 70 гаруй төрлийн үйлчилгээг нэг дороос авах боломж бүрджээ.
Энэхүү төв нь одоогоор баруун бүс нутагтаа анхдагч болж байгаа юм.
Монгол Улсын Засгийн газраас хэрэгжүүлж буй “Шинэ сэргэлтийн бодлого”-ын нэг нь “Төрийн бүтээмж”.
Уг төв нь төрийн үйлчилгээг иргэдэд ойртуулж, бүтээмжийг нэмэгдүүлэхэд чухал үр дүнгээ өгөх аж.
Орон зайнаас үл хамааран аль ч сумын иргэн тус төвөөр үйлчлүүлж төрийн үйлчилгээг нэг дороос авах боломжтой боллоо.
Мөн иргэдийн санал хүсэлтийг хүлээн авна, уламжилна, шийдвэрлэнэ. Үйл ажиллагаандаа иргэдээс үнэлэлт авч ажлаа ч сайжруулах боломжтой гэж албаныхан онцоллоо.
