Сэлэнгэ аймгийн Сайхан суманд долоон сартай нярай хүүхэд моринд өшиглүүлж амь насаа алдсан харамсалтай хэрэг өнгөрөгч амралтын өдөр гарчээ.
Хэрэг гарах үед, нярайн эцэг эх хүүхдээ анзаараагүй байсан гэх бөгөөд хүүхэд гэрийн ойролцоо аргамжаатай байсан моринд өшиглүүлж амь насаа алдсан байна. Нярайг тэр даруй сумын эмнэлэгт хүргэсэн боловч эмнэлгтийн тусламж авч чадаагүй ажээ. Эмнэлгийн урьдчилсан дүгнэлтээр тархины хүнд гэмтлийн улмаас нас барсан гэж дүгнэжээ.
Уг хэргийг тус аймгийн Сайхан сум дахь цагдаагийн хэлтэст үргэлжлүүлэн шалгаж байна. Иймд, эцэг эх асран хамгаалагч нар бага насны хүүхдэдээ тавих анхаарал халамжаа сайжруулж, болзошгүй эрсдлээс сэргийлэхийг анхааруулж байна.