![](http://hardnews.mn/wp-content/uploads/2022/06/72072595_2420886604905176_6092496317232185344_n-1024x682.jpg)
Цахим орчинд идэвхитэй эрхмүүдийн нэг Б.Жаргалсайхан өөрийн фэйсбүүк хуудастаа УИХ-ын Б.Энхбаяр болон ерөнхийлөгч асан Х.Баттулга нартаа холбоотой асуудлаар өөрийн сэтгэгдэлээ бичжээ.
Тэрбээр: "Баттөмөрийн Энхбаяр гэдэг залууг МАН-ын дараагийн үе, лидзр гэж харж явдаг. Тэрээр дэд сайд байхдаа Хөгжлийн банкны хэрэг, Ц.Нямдоржийн тагнуулын асуудал, Төмөр замын хэрэг, Шүүхийн дээрэм, авлига гэх мэтээр ярьдаг байв. Тийм ч учраас хуулийг хулгайг засна гэсэн хувийн уриа УИХ-д суусан. Мань эр өдгөө гүтгэлэг, доромжлол гэдэг ихээхэн ярьж буй харагдах юм. Тэрээр хэдхэн сарын өмнө Төмөр замын 6000 цэрэгт "Женко" Баттулга "Атар" талхаа 20 мянган төгрөгөөр шахсан гэж мэдэгдсэн. Бүгд гайхаж мэл хөхөрнө биз дээ. Саяхан Х.Баттулга гарч ирээд "Атар" талх 20 мянган төгрөгөөр шахсан баримтаа аваад ир Энхбаяраа" гэв. Нөгөө шударга ёс тогтоох нөхөр маань таг алга болов. Эндээс эхлээд "Сэдэв гололгүй" попордог нөхөр үү гэсэн бодол төрөв.
"Эрүүлдээ ч согтуу ч нэг аашаараа байх хэрэгтэй" гэдэг шиг камерын өмнө цаана өөр ааштай байж болохгүй ээ. Ц.Нямдоржийг дэд сайдаас өөрийг нь зайлуулсан "Жаст"-ын Батхүүгийн хэргийн ард бий, хууль санаачилах гээд байсан гэсэн. Гэтэл нь худлаа гэдгийг Ц.Нямдорж яриад зогсохгүй "Надтай зууралдан рейтэнгээ өсгөсөн бацаан" гэж байх шив дээ. Жинхэнэ шинэ үеийн хуульч бол Х.Баттулгын талхны асуудлыг нотло. Чадахгүй бол уучлалт гуй. Улс төрчид амныхаа зоргоор бурдаг, олон нийт түүнийг нь дагаад хямардаг, төрдөө итгэхээ байдаг юм. Хэлсэн үгэндээ эзэн болж Х.Баттулгын (Хэн байх нь хамаагүй, шударга ёсыг эрэлхийлж байгаа л бол нотлох) талх шахсан эсэхийг нотло, үгүй бол уучлалт гуй. Ийм ёс зүй ухамсар УИХ-д дутаад байна." хэмээжээ.