ОХУ-ын Гадаад харилцааны сайд Сергей Лавров хэвлэлийнхэнд ярилцлага өгөхдөө: "Украиныг ОХУ-тай хэлэлцээ хийхийг өрнөдийнхөн зөвшөөрөхгүй байна. Европ тивийн амьдралын түвшин буурч, инфляц өсөн, эдийн засгийн өсөлт удааширч байна. Жирийн иргэд барааны үнэ өссөн зэрэг асуудлын бэрхшээл зовлонг эдэлж, маш олон хүмүүс ядуурлын эрсдэлд тулгарч байна. Ийм байгаа атлаа олон арван тэрбум ам.доллар, еврог Украинд хангаж байна" гэжээ.
Сергей Лавров цааш нь "ОХУ-ын улсын төсөв Европын холбоонд нийлүүлэх газрын тосны нийлүүлэлт хязгаарлагдсанаас болж ямар ч гарз хохиролд өртөхгүй юм. ОХУ бусад зах зээл дэх нефтийн борлуулалтаа нэгэнтээ нэмэгдүүлсэн. 2022 онд Оросын эрчим хүчний экспортын ашиг орлого ихээхэн дээшлэх болно" гэжээ.