Баянхонгор: Орон нутгийн иргэдэд түшиглэсэн уур амьсгалын өөрчлөлтөд тэсвэртэй ус хангамж, эрүүл ахуйн үйлчилгээ төслөөс "Ундны ус, ариун цэврийн байгууламжийн аюулгүй байдлын төлөвлөгөөг сайжруулах" сургалтыг Баянхонгор хотноо зохион байгуулж байна.
Сургалтыг Хангайн бүсийн 10 сумын Засаг дарга, БОХУБ, байгаль хамгаалагч болон холбогдох бусад мэргэжилтнийг хамруулан Бөмбөгөр суманд 4 дүгээр сарын 11, 12-ны өдрүүдэд хийж байгаа юм.
Сургалтын хүрээнд ундны ус, ариун цэврийн байгууламжийн аюулгүй байдлын төлөвлөгөө боловсруулах хэрэгцээ шаардлага, түүнийг боловсруулах алхам, анхаарах асуудал зэрэг олон чухал сэдвээр эрдэмтэн судлаачид мэдээлэл хийж байна. Мөн сумын ус хангамж, ариун цэврийн байгууламжийн өнөөгийн байдал, нөлөөлж буй эрсдэлүүд, сайжруулах ойрын болон хэтийн төлвийн талаар хэлэлцүүлэг өрнүүлж байна.
Сургалтыг Монголын нийтийн аж ахуйн үйлчилгээний төв төрийн бус байгууллага болон АШУҮИС-ийн багш нартай хамтран зохион байгуулж байгаа аж.
