АН-аас Ерөнхийлөгчийн сонгуульд нэр дэвшинэ гэж зарласан нөхдүүд тарга тэвээрэг авсан тарвага шиг эхнээсээ нам нам буудуулж байх шив дээ. Нэлээд шанстай гэгдэж байсан Н.Алтанхуягийн авлига, албан тушаалын хэрэг эргэн сэргэв. Мөн Босоо Ганбаа ачигдах өдрөө хүлээж эхэлсэн. Мөн С.Баярцогт ч гэсэн олон нийтийн эсэргүүцэлтэй тулгарч герман цэрэг шиг гар өргөхөөс өөр аргагүй байдалд оров бололтой. Олноо "Бэлтрэг" хэмээн нэрлэгдсэн З.Энхболд Ерөнхийлөгчийн сонгуульд бэлтгэн хонгилын мухарт хэвтсэн. Түүний хулгай, нүүрс зэрэг илчлэгдээд ирэнгүүт "Би ач зээгээр хараад гэртээ сууж байгаа хүн" хэмээн ялаас мулрах гэж хөгөө чирж байна. Мань хөгшин нас хөгийн байдлаа давуу тал болгох гэж хичээж байна. Тэрээр ЕТГ-ын дарга байхдаа Зам тээврийн сайд Б.Энх-Амгаланд нөлөөлж "Страто" компанид давуу байдал гаргуулсан "нүүрс" хулгайлсан хэрэгт холбогдсон. Шүүхээс З.Энхболд Б.Энх-Амгалан нарыг буруутай гэж үзэн төрийн албанд ажиллахыг хориглосон шийдвэр гаргасан. Гэмт хэрэгт холбоогүй шахам Б.Энх-Амгалан 40 саяар торгуулиад өнгөрөв. Гэтэл Зика төрд ажиллах эрхийг хассан шийдвэрийг одоо хүртэл эсэргүүцэж байгаа билээ. Шүүхийн шийдвэр Ерөнхийлөгчийн сонгуульд нэр дэвшихэд саад болох учраас шүүхтэй маргаж байгаа билээ. Тэрээр Ерөнхийлөгчийн сонгуульд эртнээс бэлдэж Х.Баттулгыг хүртэл гэнэдүүлэн "хутгалсан" удаатай. Тэтгэвэрт гарсан гэдэг нь гэмт хэргээс зүгээр гарах шалтгаан биш.
