Баян-Өлгий, Ховд, Увс аймгийн чиглэлд агаарын тээврийн үйлчилгээ үзүүлдэг "Аеромонголиа" компанийн тийз нэг талдаа 499-981 мянган төгрөгийн үнэтэй байдаг. Тиймээс иргэд онгоцны үнийг дийлэхгүй байгаа юм.
Иймд тус асуудлаар Баян-Өлгий аймгаас сонгогдсон УИХ-ын Х.Баделхан, Т.Аубакир нар Шударга өрсөлдөөн, хэрэглэгчийн төлөө газрын дарга С.Мөнхчулуунтай уулзжээ.
Уулзалтын үеэр ШӨХТГ-ын дарга С.Мөнхчулуун үүсээд буй асуудлыг судалж, нислэгийн үнийн өсөлтийн талаар ойрын хугацаанд холбогдох арга хэмжээ авахаа мэдэгджээ. Түүнчлэн гишүүд нислэгийн үнийн өсөлтийг бууруулах асуудлаар холбогдох яамдуудад хандаж ажиллахаар төлөвлөжээ.