Нефть экспортлогч орнуудын холбоо болон экспортлогч бус орнуудын сайд нарын 29-р хурал онлайн видео хэлбэрээр болж, энэ оны 7-р сард үйлдвэрлэлийн хэмжээгээ өдөрт 648 мянган баррелиар нэмэгдүүлэх шийдвэр гаргажээ.
Нефть экспортлогч орнуудын гаргасан мэдэгдэлд, энэ удаагийн хурлаар сайд нарын 19-р хурлаар баталсан үйлдвэрлэлийн хэмжээнд зохицуулалт хийх төлөвлөгөө болон сарын үйлдвэрлэлтийн хэмжээний зохицуулалтын механизмыг дахин батлах, тухайлбал сарын үйлдвэрлэлийн хэмжээг энэ оны 5-р сараас өдөрт дунджаар 432 мянган баррелиар нэмэгдүүлнэ.
Мөн хурлаар энэ оны 9-р сард хэрэгжүүлэхээр байсан төлөвлөгөөгөө 7, 8-р сард хэрэгжүүлэхээр шийдэж, 7-р сард сарын үйлдвэрлэлийн хэмжээг өдөрт дунджаар 648 мянган баррелиар нэмэгдүүлэх болов. 2020 оны 4-р сард цар тахлын нефтийн эрэлт хэрэгцээнд учруулсан нөлөөний улмаас нефть экспортлогч орнууд болон нефть экспортлогч бус орнууд, "ОПЕК+" хамтын ажиллагааны механизм үйлдвэрлэлээ бууруулах тохиролцоонд хүрсэн юм. Сүүлийн үед Орос, Украины мөргөлдөөн, барууны орнуудын Оросын эсрэг тавьсан хориг арга хэмжээний улмаас олон улсын түүхий нефтийн үнэ нэг баррель нь 110 орчим ам.долларт хүрч, өндөр түвшинд байсаар байна.