Хотын дарга Х.Нямбаатар Ерөнхий сайд Г.Занданшатартай Төв цэнгэлдэх хүрээлэнгийн бүтээн байгуулалтын ажилтай танилцаж явах үеэр "UBCab"-ын Н.Отгонбаяртай маргалдсан видео өнөөдрийн цахим орчины сенсаци байсан бол Х.Нямбаатар өөрийн цахим хаягаар дараах тайлбарыг хийлээ тэрбээр:
"Нийслэл такси бааз байгуулахгүй. Нийтийн тээврийг хөгжүүлэх сангаас хувийн хэвшилд зээл олгож стандартын шаардлага хангасан цэвэр, тохитой соёлтой үйлчилдэг такситай болъё гэсэн асуудлыг зохион байгуулалттайгаар бүлэглэн гуйвуулж, улстөржүүлж, олон нийтийг талцуулж байна. Энэ хотыг цэвэр цэмцгэр болгоё, хөгжүүлье, нийтийн тээврийг хүртээмжтэй болгоё гэхээр өчүүхэн хувийн эрх ашгаа нийтийн эрх ашгийн дээгүүр тавьж, бусдыг турхирч суудаг нөхдийг олон түмэн ус тосыг нь ялгаад ойлгочихно. Би бодлогоосоо ухрахгүй" гэжээ.
