Хууль санаачлах, батлах үндсэн үүргээ умартаж 20 гаруй удаа гадаад томилолтод яваад амжсан С.Цэнгүүн гишүүнийг иргэд, олон нийт гаргасан зардал, явсан шалтгаанаа баримт нотолгоотой тайлагнахыг шаардаж байна. Гэвч тэрбээр явсан зардал, орсон орлогоо нотлохын оронд шударгын дүрд тоглож, матрын нулимс унагаан мэлзэх болов.
Төсвийн мөнгөөр яваагүй юм бол төрийн ажил биш байлтай. Гаднын мөнгөөр явсан юм бол дотоод асуудал биш байлтай. Яг ямар учиртай явж суугаад байдаг нь тодорхойгүй Цэнгүүний яаж улс төрд орж ирсэн ч үнэндээ ойлгомжгүй л дээ.
2007 онд аавынхаа компанийн өв залгамжлагч болж даналзаж яваад 2024 онд шууд гишүүн болчихсон. Өөрийгөө Z үеийн төлөөлөл гэж ихэд омогшдог энэ бүсгүй Төрийн ордны гадна байхдаа гийгүүлсэн ажилгүй, гишүүн болоод санаачилсан хуульгүй юм билээ. Ийм хүн яахаараа гадныхны анхааралд байнга өртөөд гадаад томилолтын зардлаа хүртэл 20 удаа даалгуулж яваад байдаг нь тунчиг сонин. Ямар сайндаа л яг яадаг гишүүн бэ гээд олон нийт гайхаж байхав дээ. УИХ-ын гишүүн С.Цэнгүүн гэж хэн юм бол?
