Баянхошуу, Дамбадаржаа орчим агаарын чанарын индекс бохирдолтой байна. Харин Нисэх, Мишээл экспо, Богд хааны ордон музей, 5 буудал, Ургах наран агаарын чанарын индекс хэвийн үзүүлэлттэй байгаа бол бусад газруудад агаарын чанарын индекс бага бохирдолтой байна.
Үүнийг дүүргээр авч үзвэл, СХД болон Сүхбаатар дүүрэгт агаарын чанар бохирдолтой буюу 201-300 хэмжээг зааж байна. Баянзүрх, Баянгол, Налайх, Чингэлтэй дүүрэгт бага бохирдолтой байгаа юм.
АГААРЫН ЧАНАРЫН ИНДЕКСИЙН ТООН УТГА ЮУГ ИЛЭРХИЙЛЭХ ВЭ?
Цэвэр: Хүний эрүүл мэндэд сөрөг нөлөө үзүүлэхгүй.
Хэвийн: Агаарын чанарын стандартын шаардлага хангана. Гэхдээ зарим хэт мэдрэг хүмүүст амьсгалын замын өвчний шинж тэмдэг илрэх магадлалтай.
Бага бохирдолтой: Хэт мэдрэг хүмүүсийн эрүүл мэндэд сөрөг нөлөөлөл илэрнэ. Зүрх судас, амьсгалын замын архаг өвчтэй, ялангуяа гуурсан хоолойн багтраа өвчтэй хүмүүс нөлөөлөлд илүү өртөнө.
Бохирдолтой: Хүний эрүүл мэндэд сөрөг нөлөөлөл илэрч эхэлнэ. Хэт мэдрэг хүмүүсийн эрүүл мэндэд сөрөг нөлөөлөл хүндээр илэрнэ.
Их бохирдолтой: Удаан хугацаагаар гадаа байхад хүний эрүүл мэндэд мэдэгдэхүйц сөрөг нөлөөлөл үзүүлж болно.
Маш их бохирдолтой: Хүний эрүүл мэндэд сөрөг нөлөөтэй.
