2025-2026 оны өвлийн улирлын урьдчилсан төлөвийг ЦУОШГ-аас мэдээллээ. Тодруулбал, Монгол орны төв болон зүүн аймгуудын нутгаар агаарын температур олон жилийн дунджаас хүйтэн байх төлөвтэй бөгөөд хур тунадас дундажтай харьцуулахад ахиу орох хандлагатай байна. Харин баруун аймгуудын нутгаар агаарын температур болон хур тунадас олон жилийн дунджийн орчимд хэлбэлзэх бол говийн бүс нутгаар агаарын температур дунджаас дулаан, хур тунадас дунджаас бага зэрэг ахиу байх төлөв гарлаа.
