УИХ дахь АН-ын бүлэг хуралдаж, улс төрийн шийдвэрээ гаргалаа. АН-ын бүлэг эрх баригчдыг зориудаар Үндсэн хуулийн хямрал руу оруулах нөхцөл үүсгэж байгаа учраас Ардчилсан парламентын засаглалаа хамгаалж ажиллана гэдгээ мэдэгдлээ. АН-ын бүлэг УИХ-ын дарга Д.Амарбаясгалан, Ерөнхий сайд Г.Занданшатар нарыг огцруулах асуудлыг зэрэг, хамтад нь хэлэлцээд явах нь зүйтэй гэж шийджээ. Энэ хүрээнд УИХ-ын даргын зөвлөл Ерөнхий сайдыг огцруулах асуудлын араас УИХ-ын даргыг огрцуулах асуудлыг хэлэлцэх боломжоор хангавал АН-ын бүлгийн гишүүд чуулганы нэгдсэн хуралдаандаа оролцож, ирцээ бүрдүүлээд явна гэлээ.
