МАН-ын даргын төлөөх өрсөлдөөнд өвдөг шороодсон Г.Занданшатарын өрсөлдөгчөө харлуулах гэсэн оролдлого бүхэн фэйлдэж байна. Түүний хэлсэн үг, хийсэн үйлдэл бүхэн өөрийнх нь эсрэг үйлчилж байгаа нь харамсалтай. Д.Амарбаясгаланг гүтгэх ажиллагааг эртнээс санаачлан, өөрийнхөө “зуудаг нохой”-гоор Б.Энхбаярыг тохоон томилсноос авахуулаад нүүрсний оффтейк гэрээнүүдийг ил болгосон нь ч баримт нотолгоогүй бөгөөд логикын алдаатай үргэлжилж байна. Намын гишүүдийнхээ сонголтыг үгүйсгэн, Д.Амарбаясгаланд олонхоороо саналаа өгсөн Бага хурлыг эсэргүүцэн өс зангидаж, намынхаа хэрүүлийг төрд чирж ирсэн тэрбээр өөрийн “зуудаг нохой” Б.Энхбаярыг Хууль зүйн сайдаар хууль зөрчин томилж буйгаа мэдэгдсэн нь олон нийтээс хасах оноо авахад хүргэсэн. Тэр ч бүү хэл, Монгол Улсын Ерөнхий сайд нь анх удаа төрд тэрсэлсэн, Үндсэн хуульт ёсонд халдсан үйлдэл болчихсон. Гэтэл Засгийн газрын ээлжит хуралдаанаар нүүрсний гэх оффтейк гэрээг ил болголоо хэмээн зарлаж, баатрын дүрд тоглох гэсэн боловч баахан эсэргүүцэл эгдүүцэлтэй тулчихав. Учир нь Г.Занданшатар нь 2019-2024 онд УИХ-ын дарга буюу ҮАБЗ-ийн гишүүнээр ажилласан байдаг. Гэтэл ил болгосон гэх нүүрсний 36 гэрээнээс 31-ийг нь “Бодь интернэшнл” дангаараа авсан нь анхаарал татаж байна.
Үүнээс ганцхан жишээ татахад, “Тавантолгой-Гашуунсухайт” төмөр замын бүтээн байгуулалтын ажлыг “Бодь интернэшнл” ХХК 1 тэрбум ам.доллараар тооцож, урьдчилгаанд 110 сая долларыг авч, 895.6 сая долларыг нүүрсээр төлөхөөр гэрээлэн тохиролцож байсан аж. Гэтэл энэ гэрээг байгуулах үед Г.Занданшатар УИХ-ын даргаар, Х.Баттулга Ерөнхийлөгчөөр, У.Хүрэлсүх Ерөнхий сайдаар ажиллаж байв. Тэгвэл тэдний өөрсдийнх нь буюу ҮАБЗ-ийн шийдвэрээр энэ гэрээг “Маш нууц”-д авсан баримт олон нийтэд ил боллоо. Ийнхүү өөрөө ҮАБЗ-ийн гишүүнээр ажиллаж байхдаа нууцад авсан атлаа одоо “Ил болголоо” хэмээж буй нь жинхэнэ тархи угаалт байлаа хэмээн цаг хугацаа, үйл явдлын учир холбоосыг ойлгож буй хэн бүхэн эгдүүцэж байна. Ийнхүү “Бодь” группт давуу эрх олгон 31 оффтейк гэрээг хийсэн, төрийн нууцад авсан, гарын үсэг зурсан ҮАБЗ-ийн гишүүн Г.Занданшатар нүүрсний хулгайг ард түмнээс нуусан үйлдэлдээ тайлбар хийхийг олон нийт шаардаж эхэллээ.
