Унгар улсын нийслэл Будапешт хотод жүдо бөхийн насанд хүрэгчдийн дэлхийн аварга шалгаруулах тэмцээн болж байна. Энэ тэмцээнд 93 орны жүдоч өрсөлдөж байгаа. Манай улсаас өнөөдөр эмэгтэйчүүдийн 63 кг-ын жинд ДАШТ-ий хошой хүрэл медальт, гавьяат тамирчин Л.Энхрийлэн, Ази тивийн аварга Б.Ганхайч болон эрэгтэйчүүдийн 81 кг-ын жинд О.Шинэбаяр барилдана. Өнөөдрийн барилдаан 17.00 цагаас эхэлнэ.
Монголын баг эрэгтэйчүүдийн 60 кг-ын жинд Х.Ёолкын авсан нэг хүрэл медальтайгаар жагсаалтын 13-р байрт бичигдэж байна. Будапешт 2025” ДАШТ-ийг Японы баг гурван алт, нэг мөнгө, гурван хүрэл медальтайгаар тэргүүлж эхэлсэн бол Франц, Гүрж, Италийн багууд нэг алтан медальтайгаар удаалж байна.
