Улаанбаатар, 2025 оны тавдугаар сарын 28 /МОНЦАМЭ/. БНХАУ болон ОХУ-тай хиллэдэг хилийн боомтуудын ажиллах хуваарийн гаалийн байгууллагаас танилцууллаа.
Тодруулбал, ирэх сард ОХУ-тай хиллэдэг Тэс, Ульхан, Боршоо, Арцсуурь зэрэг автозамын дөрвөн боомт зургаадугаар сарын 1, 11, 12, 13, 14-ний өдөр амрах хуваарьтай байна. Түүнчлэн Цагааннуур, Ханх боомт зургаадугаар сарын 11-13-нд амрах ажээ. Тэгвэл БНХАУ-тай хиллэдэг Замын-Үүд, Хавирга, Ханги, Гашуунсухайт, Шивээхүрэн, Бургастай, Бичигт, Сүмбэр, Баянхошуу зэрэг автозамын боомт амрах юм байна.
Харин ОХУ-тай хиллэдэг Алтанбулаг, Эрээнцав, БНХАУ-тай хиллэх Булган авто замын боомт цагийн хуваарийн дагуу ажиллана. Мөн БНХАУ-тай хиллэдэг Даян боомт зургаадугаар сарын 1-20, зургаадугаар сарын 26-наас долоодугаар сарын 10-нд ажиллах хуваарьтай байна. Түүнчлэн Замын-Үүд, Сүхбаатар, Эрээнцавын төмөр зам болон Агаарын замын боомт хуваарийн дагуу ажиллана.
