Таны эрүүл мэнд таны л гарт байх ёстой. Гэтэл зөвхөн эмч сувилагчид хамаарах асуудал мэт хандлага бидний дунд байсаар байна. “Ажилдаа явах ёстой”, “Амжуулах ажил их байна”, “Энэ шинжилгээг өгөх хэрэг байгаа юм уу”, “Дуранд харуулах шаардлагагүй” гэх зэргээр өөрийнхөө эрүүл мэндийн төлөө алхам хийхийг хүсдэггүй иргэн олон байна. Өрхийн эмнэлгээс нь залгаад эрт илрүүлэгт хамрагдах өдрийг хэлсэн бол та өөрийгөө бэлтгэх хэрэгтэй. Тодруулбал, та аль насны багцад хамрагдаж ямар шинжилгээ өгөхөө мэдэх хэрэгтэй. Өтгөний шинжилгээ өгөхийн тулд та тав хоног цагаан хоол иднэ. Ингэж байж таны шинжилгээ үнэн зөв гарна. Мөн эрт илрүүлэгтээ хамрагдахаас гурав хоногийн өмнө архи согтууруулах ундаа хэрэглэхээс татгалзана. Энэ мэт заавар зөвлөгөөг дагаж, эрт илрүүлэгтээ хамрагдаж, иргэн бүр эрүүл мэндийнхээ төлөө цаг гаргаж байх хэрэгтэй байна.
Харин албан байгууллагын удирдлагууд ЭМЯ-ны сайдын хэлсэнчлэн ажилчдынхаа эрүүл мэндийн төлөө цалинтай чөлөө олгож, үзлэгт хамрагдах байдлыг дэмжих нь чухал байна.
Урьдчилан сэргийлэх үзлэгт хамрагдахдаа анхаарах зүйлс:
• Хэвлийн хэт авианы шинжилгээнд шинжилгээ өгөхөөс гурав хоногийн өмнө хий үүсгэдэг хоол хүнс хэрэглэхгүй байх
Оношилгоо хийлгэх өдрөө
:• Өлөн үедээ эсвэл хооллосноос хойш 6-8цагийн дараа шинжилгээ өгөх
• Дурангийн оношилгоо хийлгэхээсээ өмнө харуулах
• Давсаг шээстэй байх шаардлагатайЗүрхний цахилгаан бичлэг:
• Зүрх судасны үйл ажиллагааг идэвхжүүлэх кофе, согтууруулах ундааны зүйл хэрэглэхгүй байх
• Бичлэг хийлгэхийн өмнө тайван байх
Цусны ерөнхий шинжилгээ:
• Шинжилгээ өгөхөөс долоо хоногийн өмнө өөх тостой хоол хүнс хэрэглэхгүй байх
• Өөх тосны хэмжээ буулгах эм уухгүй байх шаардлагатай аж.
Эх сурвал: Монголын үнэн