Пүрэв гарагт /2024.07.04/ Европын хоёр дахь хамгийн том эдийн засагтай улс болох Их Британид парламентын ээлжит бус сонгууль болсон.
Тус сонгуульд Их Британийн сөрөг хүчин буюу Хөдөлмөрийн нам 14 жилийн дараа түүхэн ялалт байгуулсан байна.
Британичууд орон нутгийн цагаар пүрэв гарагийн /2024.07.04/ 07:00-22:00 минутын хооронд саналаа өгч парламентын 650 гишүүдээ сонгосон юм.
Санал хураалт хаагдахад явуулсан асуулгаар бол сөрөг хүчний Хөдөлмөрийн яам 410 суудал авчээ. Харин төрийн эрхийг 14 жилийн турш барьсан Консерватив нам 131 суудал, Либерал Демократууд нам 61, Их Британийг Шинэчлэх нам 13 суудал авсан байна.
Пүрэв гарагийн сонгууль нь Консерватив намын хувьд сүүлийн зуун жилд тохиосон хамгийн муу санал хураалт боллоо.
Хөдөлмөрийн намын дарга Кейр Стармер Риши Сунакийн оронд Их Британийн Ерөнхий сайдын ажлыг хүлээн авна.
Стармер нь 2015 онд парламентын гишүүнээр сонгогдож байсан ерөнхий прокурор болон хүний эрхийн хуульч асан мэргэжилтэй хүн юм.
