Чингэлтэй дүүргийн Засаг дарга Н.Батсүмбэрэл УИХ-ын гишүүнээр сонгогдож, Чингэлтэй, Сүхбаатар дүүргийн иргэдийн итгэлийг хүлээсэн. Төр захиргааны байгууллага, худалдаа үйлчилгээ, эдийн засаг, бизнесийн томоохон төвүүд олноор байрладаг, нийслэлийн Чингэлтэй дүүргийн дараагийн Засаг дарга хэн бэ гэх таамаг олны дунд хүлээлт бий болголоо.
Энэ таамагт Чингэлтэй дүүргийн ИТХ-ын төлөөлөгч, УИХ дахь МАН-ын бүлгийн ахлах зөвлөх Д.Ядамжав, НИТХ-ын төлөөлөгч, Геодези, Усны барилга байгууламжийн газрын дарга Л.Ариунтуяа, Чингэлтэй дүүргийн МАН-ын дэд дарга Х.Алтаншагай нарын нэр яригдаж байна. Аль аль нь эрч хүчтэй, дүүргийн ажлаа мэдэх, ирээдүйд илүү ихийг хийх чадалтай тэмүүлэл дүүрэн залуус юм.
Чингэлтэй дүүргийн ИТХ-ын төлөөлөгч, Д.Ядамжав бол тус дүүргийн ИТХ-д 3 дахь удаагаа сонгогдон ажиллаж буй, дүүргийн ажлаа хамгийн сайн мэдэх хүн. Өнгөрсөн хугацаанд тэрбээр засаг захиргааны анхан шатны нэгж, хороон даргаас УИХ-ын Тамгын газрын ахлах зөвлөх хүртэл дэвшин ажилласан, засаглалын болоод, аж ахуйн ажлыг түүртэхгүй хийчих чадварлаг залуу.
Д.Ядамжавын тухайд Чингэлтэй дүүргийн НАМЗХ-ны даргаар ажиллаж байсан, одоо дүүргийн ИТХ дахь МАН-ын бүлгийн даргаар ажиллаж байгаагийн хувьд тэрбээр намын залуучуудаасаа, дүүргийн ИТХ-ын төлөөлөгчдөөсөө хамгийн их дэмжлэг авах магадлалтай.
НИТХ-ын төлөөлөгч Л.Ариунтуяагийн хувьд Чингэлтэй дүүргийн ИТХ-ын даргаар ажиллаж байгаад 2020 онд НИТХ-ын төлөөлөгчөөр сонгогдсон.
Аж ахуйн чимхлүүр ажилд чамбай гэдгээ харуулж “Геодези, Усны барилга байгууламжийн газар ОНӨААТҮГ”-ын хэмээх нийслэлийн харьяа байгууллагыг шаггүй удирдаж байгаа.
Мөн л хорооны Засаг даргаас НИТХ-ын төлөөлөгч болтлоо дэвшин ажилласан дайчин бүсгүй.
Чингэлтэй дүүргийн МАН-ын дэд дарга, дүүргийн ИТХ-ын төлөөлөгч Алтаншагайгийн хувьд дүүргийн ИТХ-ын төлөөлөгчөөр 2 удаа сонгогдсон, дүүргийн МАН-ын дэд даргаар 2 дахь жилдээ ажиллаж байгаа нэгэн. Алтаншагай Чингэлтэй дүүргийн Засаг дарга Н.Батсүмбэрэлийн орлогчоор ажиллаж, Ковид цар тахлын хүнд үед, захиргааны болоод аж ахуйн ажлын хүндийн үүрч байсан. Намын болоод дүүргийн ажлаа сайн мэдэх, бас л байж болох кандидат.
Эндээс харахад хоёр залуугийн хувьд анхан шатны бүтцийн төлөөлөл гэдгээрээ дүүргийн дотоод бүтцэд багтаж, хангалттай зүтгэсэн тул ийнхүү зүй ёсоор нэрлэгдэж байна. Дүүргийн зүгээс ч сайн дэмжлэг авах магадлалтай байна.
Тэгвэл эмэгтэй төлөөлөл болох Л.Ариунтуяагийн хувьд Нийслэлийн ИТХ-ын төлөөлөгчийн хувиар хийе гэснээ хийчихдэг бүсгүй. Одоогоор эдгээр залуусын нэрс Чингэлтэй дүүргийн Засаг даргад хүчтэй яригдаж байна.
Гурвуулаа МАН-ын дэргэдэх СДМЗХ, СДМЭХ-нд ажиллаж яваа чадварлаг залуус. УИХ-ын гишүүн, Чингэлтэй дүүргийн МАН-ын дарга Н.Батсүмбэрэл, Нийслэлийн МАН-ын дарга, нийслэлийн Засаг дарга Х.Нямбаатарын хувьд эдгээр залуусын хэнийг нь дэмжих бол гэдэг таамаг өрнөж байна.
