Шинээр сонгогдсон УИХ-ын 126 гишүүний тангараг өргөх ёслол Төрийн ордонд боллоо. Тус ёслолын дараа цаг үеийн асуудлаар Зам, Тээврийн Хөгжлийн сайд, УИХ-ын гишүүн С.Бямбацогт байр сууриа илэрхийллээ.
Тэрбээр, УИХ-д 5 дахь удаагаа сонгогдсон ард түмнийхээ элчийн хувьд нийт иргэн, улсын ашиг сонирхлыг эрхэмлэн, төрийн хуулийг дээдлэн сахиж, авлига, ашиг сонирхлын зөрчлөөс ангид байж, гишүүний үүргээ чин шударгаар биелүүлэхээ тангараглалаа.
Таван удаа сонгогдохдоо би Нэгдүгээрт, Төрийн далбаагаа эрхэмлэн дээдлэх өдөртэй болгож, төрийн бодлого тогтвортой , тууштай, уялдаа холбоотой, урт настай, гарц шийдэлтэй байх бодлогыг санаачилсан. Хоёрдугаарт, Шинэ бүтээн байгуулалт хөтөлбөрийг хамтран санаачилж 100 мянган орон сууц барих, 21 аймгийг авто замаар холбох ажлыг хийлцсэн. Гуравдугаарт МАН-ыг цөөнх байхад УИХ-дахь бүлгээ удирдаж дараалсан ялалт байгуулах суурийг тавилцаж, ХЗДХ-ийн сайд байхдаа ХИЛ, ЦАГДАА, ХУУЛЬ ШҮҮХИЙН эрх зүйн орчныг сайжруулж реформын шинжтэй 23 хууль санаачилж батлуулан Гэр бүлийн хүчирхийллийг гэмт хэрэгт тооцдог хуультай болгосон" гэх мэтчилэн хийсэн зүйлтэй гэж боддог.
Монгол Улс түүхэндээ анх удаа 107 сая тн ачаа тээвэрлэн, зам тээврийн салбар 73 хувь өсөлт үзүүлэх залуурыг атгаж улс гэртээ хийсэн ажил, ард олондоо хэлэх үгтэй хийсэн үйлдэлтэй явж ирсэн байна" гэлээ.
