![](http://hardnews.mn/wp-content/uploads/2024/07/bysgal.jpg)
Энэ удаагийн УИХ-ын сонгуульд нэр дэвшиж, ялалт байгуулсан 126 хүнийг УИХ-ын гишүүнээр сонгогдсонд тооцож, үнэмлэх гардууллаа. Энэ үеэр АН-ын жагсаалтаас УИХ-ын гишүүнээр сонгогдсон Ж.Баясгалан дараах байр суурийг илэрхийллээ.
Тэрбээр, Маш их үүрэг хариуцлага өмнө минь ирлээ. Өнөөдөр үнэмлэхээ гардаж авч байгаа маань баяртай ч гэсэн, гомдолтой байна. Төрийн ордон маань тэргэнцэртэй иргэдэд хүртээмжтэй байсангүй. Ийм учраас би тайзан дээрээс үнэмлэхээ гардаж авч чадсангүй. Энэ байдлыг засаж залруулна гэж бодож байна.
Би хүнд гэмтэж байсан ч ил гаргаж байгаагүй. Магадгүй бизнес хийдэг учраас хүмүүс намайг мөнгөтэй болохоор мэдрэхгүй байна гэж ярьдаг. Гэхдээ үэнэндээ хүн мөнгөтэй байна уу, мөнгөгүй байна уу, албан тушаалтай байна уу хамаагүй. Өвчин гэдэг бол өвддгөөрөө өвддөг. Би тийм байлаа гээд 32ш эм уусаар л байна. Миний хувьд ийм байдалтай болоод 7 жил боллоо. Нэг их урт хугацаа шиг санагдахгүй ч гэсэн хүний амьдралд их хугацаа. Бг ХБИ-ийн нэмэлт хуульд өөрчлөлт оруулахаар ажиллана. Соёлын яамны гадаа ХБИ нэвтрэх явган шат байдаггүй, энэ мэт асуудлыг хөндөж ажиллах төлөвлөгөөтэй байна.