УИХ-ын сонгуульд Сэлэнгэ, Дархан-Уул, Төв аймаг буюу тавдугаар тойрогт нэр дэвшиж байгаа Ч.Ундрамын штабт ажиллаж байсан эрэгтэй амиа хорлосон гэх мэдээлэл олны дунд түгээд байна.
Энэ талаар Төв аймгийн Сүмбэр сумын МАН-ын дарга н.Мөнхтүвшинтэй холбогдож, тодрууллаа.
Тэрбээр “Манай намын штабт ажиллаж байсан 40 орчим насны эрэгтэй амиа алдсан нь үнэн. Хэргийн талаар төв аймгийн цагдаагийн газар шалгаж байна" гэлээ.
Мөн ЦЕГ-аас энэхүү хэргийг тодруулахад, Төв аймгийн Сүмбэр сумын нутагт “Боомилсон байдалтай нас барсан хүн байна" гэсэн мэдээллийг зургаадугаар сарын 20-ны 14:40-д ирүүлснийг шалгахад тус газарт оршин суух Р /эр.45н/ нь өөрийгөө боомилж нас барсан хэргийг Төв аймгийн цагдаагийн газар шалгаж байна.
Урьдчилсан байдлаар ар гэрийн шалтгааны улмаас гэсэн нөхцөл байдал тогтоогдсон байна" гэлээ.
