Дуучин Тейлор Свифтийн Лондонд хийх аялан тоглолт Английн банкны бодлогын хүүгээ буулгах ажиллагааг хойшлуулахад хүргэж магадгүй боллоо. Өөрөөр хэлбэл, дуучны шүтэн бишрэгчдийн урсгалыг дагасан хэрэглээний зардал эрс өсөх магадлалтай байгаа юм.
Тейлор Свифт "Eras" нэртэй аялан тоглолтоороо Их Британид 15 тоглолт хийх бөгөөд тэдгээрийн тав нь наймдугаар сард Лондонд хотод товлогджээ. Хөрөнгө оруулалтын TD Securities банк дуучны аялан тоглолтын эдийн засгийн нөлөөлөл хангалттай өндөр байх учраас Английн банк есдүгээр сард бодлогын хүүгээ бууруулахаа хойшлуулж магадгүй гэлээ. Үүний өмнө Barclays банкны шинжээчид Свифтийн тоглолт Британийн эдийн засагт 1.27 тэрбум долларын ашиг өгнө гэсэн юм.
