Монгол Улсын гадаад өр 2024 оны эхний улирлын байдлаар 35 тэрбум ам.долларт хүрч, өмнөх улирлаас 1.3 хувь ($433.4 сая), жилийн өмнөхөөс 4.8 хувиар ($1.6 тэрбум) өссөн дүнтэй гарчээ.Гадаад өр жилийн өмнөхөөс 1.6 тэрбум ам.доллараар өсөхөд шууд хөрөнгө оруулалт, компани хоорондын зээллэг 2.3 (16.8%) тэрбум ам.доллароор өссөн нь нөлөөлсөн байна.Харин Төв банкны гадаад өр 360.2 сая ам.доллароор, Засгийн газрынх 244.0 сая ам.доллароор, Төв банкнаас бусад хадгаламжийн байгууллагынх 40.1 сая ам.доллароор,бусад салбарынх 19.8 сая ам.доллароор тус тус буурчээ. Нийт гадаад өрийг задлаад харвал:
- 15.7 (44.9%) тэрбум ам.доллар нь шууд хөрөнгө оруулалт, компани хоорондын зээллэг, (Оюу толгойн өр дийлэнх нь)
- 8.0 (22.8%) тэрбум ам.доллар нь Засгийн газрынх,
- 1.8 (5.0%) тэрбум ам.доллар нь Төв банкных,
- 1.5 (4.3%) тэрбум ам.доллар нь Төв банкнаас бусад хадгаламжийн байгууллагынх,
- 8.1 (23.0%) тэрбум ам.доллар нь бусад салбарын өр тус тус эзэлж байна.
