Дэлхийн уур амьсгалын өөрчлөлттэй холбоотойгоор зуны улиралд ердийн борооны давтамжаас илүү гэнэтийн ус ихтэй, аадар борооны давтамж нэмэгдэж байгаа ч Увс, Завхан, Ховд, Говь-Алтай, Хөвсгөл зэрэг аймгууд гантай байна.
Тиймээс цаг уурын экспедицүүд хур тунадас нэмэгдүүлэх үйл ажиллагаагаа эрчимжүүлж эхэлжээ.
Тухайлбал, Хөвсгөл аймгийн ихэнх сумдын нутгаар гандуу, бэлчээрийн ургамлын ургалтын байдал муудаж байгаатай холбоотой "Мөрөн бороо" экспедиц үүлэнд хур тунадас нэмэгдүүлэхээр гурван пуужин тавьжээ.
Ингэснээр үүлний дуслын тоо, хэмжээ нэмэгдэж ойрын 50 км-ийн зайд байрлах Мөрөн, Төмөрбулаг, Бүрэнтогтох сумдын нутгаар бороо нэмэгдэх боломжтой гэв.
