Нийтийн тээврийн парк шинэчлэлийн хүрээнд худалдан авсан "Ногоон автобус" худалдан авах ажиллагаатай холбоотой Ж.Сүхбаатар, А.Ганхуяг нарын 24 хүнд холбогдох хэргийн шүүх хурлын урьдчилсан хэлэлцүүлэг өнөөдөр болно.
Сануулахад, өнгөрсөн сарын 20-нд товлогдсон ч яллагдагч нарын өмгөөлөгчийн хүсэлтээр хойшлуулаад байсан юм.
Одоогийн байдлаар тус хэрэгт 24 хүн яллагдагчаар татагдан шалгагдаж буй бөгөөд тэдний нэг нь УИХ-ын гишүүн Ж.Сүхбаатар. Түүнийг Эрүүгийн хуулийн 22.1 дүгээр зүйлийн 1, 3 /Эрх мэдэл, албан тушаалын байдлаа урвуулан ашиглах/, 17.3 дугаар зүйлийн 2.2 /Залилах/, 22.12 дугаар зүйлийн 1 /Хуулийн этгээдийн эрх мэдлийг урвуулан ашиглах/-д зааснаар яллах дүгнэлт үйлдэн Чингэлтэй дүүргийн эрүүгийн хэргийн анхан шатны шүүхэд шилжүүлсэн байдаг.
