АНУ Украинд дунд зайн тусгалтай пуужин харвах систем зэрэг 700 сая ам долларын аюулгүй байдлын шинэ ээлжийн тусламж үзүүлнэ гэдгээ Цагаан ордоноос хэвлэл мэдээллийнхэнд хандан мэдэгдэв. Үүнд холбогдуулан АНУ зориудаар "гал дээр тос нэмж байна" гэж Оросын ерөнхийлөгчийн хэвлэлийн нарийн бичгийн дарга Песков хэлээд "АНУ-ын энэ үйл ажиллагаа нь Украины удирдагчдын энх тайвны хэлэлцээр хийх хүсэл эрмэлзэлд тус болохгүй" хэмээн Оросын тал үзэж байна гэжээ.
6-р сарын 1-нд Украины Ерөнхийлөгч Владимир Зеленский хэвлэлд өгсөн ярилцлагадаа, "Украины өнөөгийн нөхцөл байдал маш хүнд хэцүү байна, дайны улмаар өдөрт 60-100 Украин цэрэг эрсдэж, 500 орчим хүн шархдаж байгаагаас Украины зүүн нутаг, Донецкийн өмнөд нутаг, Луганск бүсийн байдал хамгийн ноцтой байна. Украины арми Оросын нутаг руу дайралт хийх төлөвлөгөөгүй" гэжээ. Украины Ерөнхийлөгчийн Тамгын газрын дарга Ермак мөн өдөр хэлэхдээ, "Орос-Украины мөргөлдөөний Украинд учруулсан эдийн засгийн шууд гарз хохирол 600 тэрбум ам.доллараас давж, Украины ДНБ-ий 35 хувийг эзэлж байна" гэжээ.