Сонгуулийн ерөнхий хороо дөнгөж сая хуралдаж "Үндэсний эвсэл"-ийн тэргүүн Н.Номтойбаярыг нэр дэвшигчээр бүртгэжээ.Түүнийг Эрүүгийн хуульд заасан нэр дэвшигчээр бүртгэхгүй байх хуулийн заалтаар ял шийтгүүлсэн гэж үзэж СЕХ нэр дэвшигчээр бүртгэхээс татгалзсан. Тиймээс Н.Номтойбаяр Захиргааны хэргийн шүүхэд хандсан юм. Харин Захиргааны хэргийн давж заалдах шатны шүүх "Үндэсний эвсэл"-ийн тэргүүн Н.Номтойбаярыг нэр дэвших эрхтэй гэж шийдвэрлэж, Н.Номтойбаярын нэр дэвшигчээр бүртгэх чиглэлийг СЕХ-д өгсөн билээ.Ингээд өнөөдөр СЕХ хороо хуралдаж, шүүхийн шийдвэрийг биелүүлсэн байна. Н.Номтойбаяр нь "Үндэсний эвсэл"-ийн тэргүүн жагсаалтын нэгд бичигдээд байгаа юм.
