МАН-ын жагсаалтын эрэмбэд улс төрийн хүрээнийхэн хийгээд олон нийтийн таамгийг эвдсэн улстөрчид орж ирсний нэг нь Г.Лувсанжамц байв. Тэрбээр Токиогийн их сургуулийн хот төлөвлөлтийн доктор, архитекторч юм.
Тэгвэл МАН-ын жагсаалтын 1-т бичигдсэн Г.Лувсанжамц анх удаа хэвлэлд ярилцлага өгсөн байна. Тэрбээр "Бурхан ачааг даах хэмжээгээр нь өгдөг, МАН надад санал тавьсан нь бурхны дуудлага байсан" гэв.
Сэтгүүлч: Мэргэжлийн хүний хувьд мэргэжлийн амбиц төлөвлөгөө байсан уу. Тэр бүхнээ хаяад улс төрлүү шууд орж байгаа талаараа?
Г.Лувсанжам: Яг үнэнийг хэлэхэд миний жилийн орлого УИХ-ын гишүүн болоод олох орлоготой харьцуулахад хамаагүй өндөр байсан. Би тэгээд ажилгүй, орлогогүй, орон гэргүй хүн болчихоод ингээд Монголд ирчихсэн л байж байна л даа. Гэхдээ яахав би юу гэж харж байна гэхээр гадаадад хүмүүс яаж ажиллаж амьдардаг билээ. Амьдралаа авч явна хөгшин аав ээжийгээ авч явна. Японд би гадны хөрөнгө оруулалттай компанид өдөр шөнөгүй ажилд зүтгэх үү. Монголынхоо төрд хууль зохион байгуулахад өдөр шөнөгүй зүтгэх үү гэдгийг харьцуулж үзсэн. Бурхан хүнд даах чинээгээр нь ачаа үүрүүлдэг гэж боддог болохоор намайг энэ удаад үүрээчээ гэсэн дуудлага байсан гэж бодоод ирсэн. “Бурханы дуудлага” гэхдээ улс төрд мэдэхгүй зүйл их байгаа болохоор суралцаад ажиллана гэж бодож байна.
МАН шинжлэх ухааны баталгаа нотолгоонд итгэдэг шинжлэх ухаан ч инженерээр жагсаалтаа толгойлууллаа гэсэн чинь "Бурханд итгэдэг" мухар сүсэгтэй гэрээ ч засаагүй хүүг толгойдоо залжээ.
Тухтай бүсээс гарсандаа ихээхэн сандарч байгаа бололтой. Монгол Улс мэдээж бүх зүйлс нь тогтчихсон арлын япон биш л дээ. Гадаадад ажиллаад хайрцаглагдчихсан нөхөр байна. Тэр өндөр цалин орлогоо хэзээ нөхөж олж авна даа. УИХ-ын гишүүний 2-3 сая төгрөгийн цалин хаанаа ч үгүй шүү дээ. Худлаа ярьж хулгай л хийдэггүй юм бол.
