![](http://hardnews.mn/wp-content/uploads/2022/06/275511565_4912393248839021_128274898088036858_n.png)
АНУ-ын NCAA-гийн "Дэйтон" их сургуулийн багт тоглохоор болоод буй гавьяат тамирчин Ц.Шаравжамцийн хүү "Майк" Ш.Энхийн-Од эх орондоо түр хугацаагаар ирээд байгаа билээ. Тэрбээр нутагтаа байх хугацаандаа өөрийн унаган баг "Шонхорууд"-ын залуустай "Дээд лиг"-ийн нэг багтай халз тоглолтыг хийнэ гэж мэдэгдсэн.
Тэгвэл лигийн гурван удаагийн аварга "Алдар танан гарьд" баг түүний санаачилгыг дэмжиж нөхөрсөг халз тоглолт хийхээр болов. Тоглолтын товыг хараахан зарлаагүй ч "Танан гарьд" баг NBA-д тоглох анхны монгол тоглогч болохоор том зорилго, мөрөөдөлтэй зүтгэж байгаа түүнд бага ч гэсэн тус дэм болох үүднээс тасалбарын орлогыг 100 хувь өгөхөөр шийджээ.