Засгийн газрын тэргүүн Л.Оюун-Эрдэнийн үеэл гэдгээрээ түүнтэй хамгийн ойр байж, Засгаас хэрэгжүүлж байгаа бүх ажилд оролцож, бүх ажлын хэсгийг ахалж ажилласан байдаг.
Мөн Засгийн газраас санаачилсан ихэнх хуулийг Х.Нямбаатар гишүүн, сайд байхдаа санаачлан оруулж ирж, УИХ-ын чуулганаар батлуулсан байна. Тэрээр өнгөрсөн хугацаанд нийт 20 хууль санаачлан, ажлын хэсэгт нь орж, тэдгээр хуулийнхээ 10-ыг нь батлуулсан байна. Ингэснээрээ энэ нь парламентын хамгийн олон хууль санаачилсан гишүүн болж байна.
Мөн тэр хамгийн хэрүүлч нэгэн. Сөрөг хүчин байтугай өөрийн намын гишүүд, сайд нартай ч ана мана, ач тач үзэлцэж, хэрэлдэж чаддаг бөгөөд тиймдээ ч үеэл Ерөнхий сайд нь түүнд бүх хуулиа, бүх ажлын хэсэгээ ахлуулдаг гэж болно.
2023 оны судалгаагаар Х.Нямбаатар нийтдээ 53 ажлын хэсгийн бүрэлдэхүүнд багтаж ажилласнаас 22-ыг нь даргалж, дөрвөн ажлын хэсэгт дэд даргаар, бусдад нь гишүүнээр ажилласан гэсэн дүн гарчээ.
Тухайлбал,
-“Нүүрсний хулгай”-н асуудлаар УИХ-ын хяналтын сонсгол зохион байгуулах, бэлтгэл хангах, санал, дүгнэлт гаргах ажлын хэсгийн ахлагч,
-Францын "Орано" компанитай байгуулах Хөрөнгө оруулалтын гэрээ боловсруулах ажлын хэсгийн ахлагч,
-Оюутолгойн гэрээг сайжруулах ажлын хэсгийн ахлагч,
-Гадаадын хөрөнгө оруулагчдын эрх ашгийг хамгаалах ажлын хэсгийн дарга,
-Мансууруулах эм, сэтгэцэд нөлөөт бодисын хууль бус эргэлттэй тэмцэх Үндэсний хорооны дарга,
-Архидан согтуурахтай тэмцэх сангийн зөвлөлийн дарга,
-Бүх нийтийн эрх зүйн боловсролын үндэсний зөвлөлийн дарга
-Монгол Улсад хүний эрхийг хангах үндэсний хөтөлбөрийн хорооны дарга,
-Монгол Улсын авлигын төсөөллийн индексийг бурууулах арга хэмжээг төлөвлөх, хэрэгжүүлэхэд дэмжлэг үзүүлэх чиг үүрэг бүхий Ажлын хэсгийн дарга
-Улсад онц их хэмжээний хохирол учруулсан, алдагдсан боломжийн өртөг үүсгэсэн хүмүүсийг шалгаж, учирсан хохирлыг нэхэмжлэх Ажлын хэсгийн ахлагч,
-“Ажлаа хий” жагсагчдын шаардлагыг судалж, шуурхай хариу тайлбар өгөх Ажлын хэсгийн ахлагч… гэх мэтээр ажиллажээ.
Х.Нямбаатарын санаачилсан хуулиуд:
