Ерөнхийлөгч У.Хүрэлсүх Ерөнхий прокурорын орлогчоор О.Машбатыг томилох саналаа зөвшилцөхөөр УИХ-д ирүүлсэн. Түүний энэхүү саналыг Хууль зүйн байнгын хороо хэлэлцэн дэмжээд байна.
О.Машбатыг Ерөнхий прокурорын орлогчоор томилох Ерөнхийлөгчийн саналыг өнөөдөр УИХ-ын чуулганы нэгдсэн хуралдаанаар хэлэлцэнэ. Үүнтэй холбогдуулан Ерөнхий прокурорын орлогчид нэр дэвшигч О.Машбатын намтрыг танилцуулъя.
- 1981 онд Дорноговь аймагт төрсөн. 43 настай, ам бүл 5.
- 1998 онд Дорноговь аймгийн ерөнхий боловсролын сургуулийг дүүргэж,
- 2002 онд Чингис хааны нэрэмжит “Их засаг” их сургуулийг эрх зүйч мэргэжлээр төгсөж,
- 2005 онд “Их засаг” их сургуульд хууль зүйн магистрын зэрэг хамгаалжээ.
- 2005 онд Санхүү, эдийн засгийн дээд сургуулийг бизнесийн удирдлагаар,
- 2007 онд АНУ-ын Колорадогийн их сургуульд суралцаж эрүүгийн эрх зүйд суурилсан шинжлэх ухааны удирдлагын магистрын зэрэг хамгаалсан.
- 2003-2005 онд УИХ-ын Тамгын газарт туслах ажилтнаар,
- 2008-2009 онд Хууль зүй, дотоод хэргийн яамны Хууль зүйн бодлогын газрын мэргэжилтэн,
- 2009-2013 онд Нийслэлийн Засаг даргын Тамгын газрын Хууль зүйн хэлтсийн даргаар,
- 2015-2017 онд Улсын Ерөнхий прокурорын газарт хяналтын прокуророор,
- 2017-2019 онд Нийслэлийн Прокурорын газарт хэлтсийн дарга, ахлах прокуророор,
- 2019-2020 онд Улсын Ерөнхий прокурорын газрын Тамгын хэлтсийн дарга, ахлах прокуророор,
- 2020-2024 онд ЗГХЭГ-т Шадар сайдын зөвлөх, Ерөнхийлөгчийн Тамгын газарт Хуулийн бодлогын газрын даргаар,
- 2024 оны нэгдүгээр сараас Ерөнхий прокурорын газрын Хэрэг эрхлэх газрын дэд дарга, ахлах прокуророор ажиллаж байна.
