Нидерландын төр, хувийн хэвшлийн хамтарсан “GasTerra” хийн компани Оросын төрийн мэдлийн эрчим хүчний “Газпром” компаниас тавдугаар сарын 31-нээс хий худалдан авахаа зогсооно гэдгээ мэдэгджээ.
“Gasterra” нь хийн төлбөрийг рублиэр хийх Москвагийн шаардлагыг хүлээн авахаас татгалзсан байна.
“Газпром”-ын төлбөрийн нөхцөлийг хүлээн зөвшөөрөхгүй байх шийдвэрийг бид ойлгож байна гэж Нидерландын Уур амьсгал, эрчим хүчний сайд Роб Жеттен “Twitter” хуудсаараа дамжуулан мэдэгджээ.
“Газпром”-ын зүгээс төлбөр тооцооны төлөвлөгөөний дагуу төлбөрөө төлөөгүй тохиолдолд хий нийлүүлэхээ зогсооно гэдгээ мэдэгдсэн байна.
Montsame.mn