Авто замын байгууламжийн барилга угсралтын ажил эхэлсэнтэй холбогдуулан Сэлэнгэ аймгийн Баянгол сумын төвөөр дайран өнгөрч буй түр замын тоосжилт их байгаа аж. Иймээс үзэгдэх орчин хязгаарлагдах, иргэдийн аюулгүй байдал алдагдах нөхцөл байдал үүсч байгаа ажээ.
Иймээс дээрх үйл ажиллагаатай холбогдуулан арга хэмжээ авч ажиллахыг сумын Засаг даргын 01/44, 01/56, 01/68, 01/94, 01/114, 01/117 дугаар албан тоотуудаар холбогдох хүмүүст шаардлага хүргүүлэн ажиллаж байгаа аж. Энэхүү ажлын хүрээнд тоосжилтыг багасгах зорилгоор усалгааг тогтмол хийх автомашины тоог нэмэгдүүлэх, хурдны хязгаарт хяналт тавих зэргээр холбогдох байгууллагуудтай хамтран ажиллаж байна. Мөн төв замын баруун талын айл өрхүүдийн зорчих боломжийг бүрдүүлэн 2 хэсэгт гарц гаргажээ. Мөн хүнсний ногооны худалдаа эрхлэгчдийг Сүмбэр сумын уулзварын хэсэгт түр нүүлгэн шилжүүлэх ажлыг ярилцаж шийдвэрлэсэн байна.
