2024 оны ээлжит сонгуулиар олон жилийн ноёрхол хэвээр үргэлжлэх бололтой. Энэ удаагийн сонгуулиар баруун бүсийг төлөөлж Увс, Ховд, Завхан, Говь-Алтай аймгууд нэг тойрог болж байна.
Өөрөөр хэлбэл хэдий дөрвөн аймгийн төлөөлөл УИД-д сонгогдох юм шиг харагдах ч бодит байдал дээр Увс, Ховдын олигархууд дангаар гарч ирэх зураглалыг анхнаасаа зуржээ.
Увс аймгийн олигархуудын төлөөлөл болох барилгын салбарын магнат, УИХ-д 16 жил суусан Б.Чойжилсүрэн, алдарт хотгор шанагын уурхайг зарсан гэх УИХ-д 20 жил заларсан, гурван удаа сайд, хоёр удаа байнгын хорооны даргаар ажилласан, удам судар нь Монгол хүн гэгдэх нь эргэлзээтэй буй Ч.Хүрэлбаатар, Жэнкогийн фракцын төлөөлөл, Тесо группийн үүсгэн байгуулагч, 2020 оноос өөрийн бизнесээ өргөжүүлэхээр УИХ-д сууж байгаа овжин бизнесмэнүүд баруун дөрвөн аймгаас гарах нь ээ.
Харин увсынхныг “баздаг” гэгдэх Ч.Хүрэлбаатар өөрийн сонгуулийн менежерээр ажиллаж байсан Б.Заяабалыг энэ жилээс УИХ-д сойж буй. Ирээдүйд Ч.Хүрэлбаатарын залгамж халааг авах Б.Заяабал нь эзнээ сангийн сайд байх үеэс эхлэн татварын ерөнхий газрын даргаар ажилласан, хууль зөрчиж дэд даргын албыг нь давхар хашиж, өөр хүн томилуулаагүй зальтай этгээд.
Дээрх зураглалаас харахад сүүлийн 20 гаруй жил Увсчуудын шийдвэрээр Монголын хувь заяа шийдэгдээд байх шиг.
Ховд аймгаас 24 дэх жилдээ УИХ-д суух гэж буй, нутгийнхаа хөшөөтийн уурхайн нүүрсийг зөөсөн хэргийн далд эзэн, Л.Оюун-Эрдэнийн эсрэг хөдөлж Ханги, Замын-Үүд руу хийх туршилтын тээврийг зогсоосон нь илчлэгдэж сануулга хүртэж байсан Нью Прогрессын С.Бямбацогт, Улсын наадамд түрүүгээ өг хэмээн шүүмжлүүлж байсан, хөдөө аж ахуйн сайдаар ажиллаж байсан билэгжүү уяач З.Мэндсайхан нар энэ удаа төрд гарах нь тодорхой болов. Тэдэнтэй хамт 29 настайдаа өчнөөн сая төгрөгийн хадгаламжтай, олон үл хөдлөхийн эзэн, аав нь насаараа яаманд газрын дарга хийж, өлсөх зовохыг үзээгүй, Монголынхоо амьдралаас тасарсан Засан хатагтай Э.Болормаа нар баруу дөрвөн аймагт ноёлж байна.
Монголын төрд Засагт ханыхны үе тасарч, олигархуудын төлөөлөл, шинэ баячуудын цуваа дарлах цаг ойрхон иржээ.
Энэ удаагийн сонгуулиар Засагт ханы хөх харчууд Увсын олигархуудын “ул”, ховдынхны “хоол” болох уу.
Эрдэм чадалтай шинэ цагийн залууст орон зай байна уу таминь ээ. Тэр олон жил төлөөлөхдөө энэ нөхөд юу хийж гийгүүлэв. Монголчууд бидний массын амьдрал хот орон нутаггүй ул руу чаалаа.
