Ардын намын зодоон ил болж эхлэв. Зодоон гэхээсээ илүү хулгай луйвараа ил болгож байна гэхэд болно. МАН-ын Ерөнхий нарийн бичгийн дарга Д.Амарбаясгалан, Хотын дарга асан Д.Сумьяабазар нарын зөрчил задарч хулгай луйвараа илчилж эхэлээ. Энэ хоёр зөрчил 2020 оны сонгуулийн өмнөхөн илэрхий ажиглагдах болсон. Д.Амарбаясгалан “Нийслэлийн МАН-ын хороо татан буулгаж төв намтай нэгтгэнэ” хэмээн үзэж байв.
Д.Сумьяабазар УУХҮЯ-наас хотын даргад дэвшихдээ “Надад Баянбогдын нүүрсний ордыг өгчих. Би энэ ордоос олох ашгаараа Улаанбаатар хотод метро барина. Улсаас нэг төгрөг ч гаргуулахгүй” гэж байлаа. Энэ юун орд вэ гэхээр Францын “Арева” компани ураны хайгуул хийж явцдаа Дорноговийн Улаанбадрах суманд 3 тэрбум коксжих нөөцтэй ордыг илэрүүлсэн байдаг юм.Хэл амнаас айсан уу “Арева” компани Баянбогдын ордыг улсад шилжүүлсэн УУХҮЯ-ны сайд Д.Сумъяабазар “Орон нутгийн чанартай жижиг орд” гэж байсан ч гэрэл цохиж 4-5 тэрбумын нөөцтэй 6600 кклоритой, төмөр замын хажууд байгаа 400 тэрбум ам.долларын үнэлгээ бүхий орд гэдгээ хүлээн зөвшөөрсөн. Тэрбээр 6 тэрбум төгрөгөөр зураг төсөл хийлгэж олон улсад хувьцаа гаргахаар сэтгүүлчээ дагуулан Япон, Солонгос, Хятадаар гэрээ хэлцэл явсан түүхтэй.Гэвч энэ асуудлыг эрс буруушаан Д.Амарбаясгалан “Стратегийн ордыг Улаанбаатар хот авч болохгүй” гэж байсан удаатай.
Мөн энэ үеэс эхлэн Д.Амарбаясгалан ард түмний өмч Эрдэнэ-Таван толгой” ордын гарын таван хуруу болох Бор тээгийн ордыг хулгайлж явсан байдаг. Энэ хоёр нэг нүүрсний нэг ордтой болох гэж чармайсан өрсөлдсөн.Д.Амарбаясгалан, Д.Сумъяабазар хоёрын өөр нэг өрсөлдөөн бол Хотын фракци. Хотын фракци дээр хүсэл дээр Хотын намын хороог тараах асуудал үүссэн юм шүү. М.Энхболдын үүсгэл, нөлөө дор одоо хэр амь бөхтэйгөөр оршиж буй Хотын фракцийн төлөөх тэмцэл Ногоон автобусны хэрэг рүү түлхсэн ч байж болох. УИХ-аар явагдах байсан сонсголыг Д.Амарбаясгалан таг зогсоон хөдөөний тойрогт дэвших, “Шинэ хоршоо” байгуулаад яваад байгаа нь амьд үлдэх сүүлчийн арга зам.Тэрбээр Д.Оюун-Эрдэнээс нэлээд холдсон ажиглагдана. Яагаад тэр хотыг Х.Нямбаатарт өгөв, яагаад хотын намын хороог Сумъяабазараас авч чадсангүй вэ (Шадар сайд С.Амарсайханг хотын намын хороон даргаар тавих гэж зүтгүүлж байсан бараагүй). Үүний гол асуудал Л.Оюун-Эрдэнэ, У.Хүрэлсүх хоёроос холдсон, итгэлийг нь авахаа байсан хэрэг. Харин эсрэгээрээ Д.Сумъяабазар Л.Оюун-Эрдэнэ, У.Хүрэлсүхтэй ойртсон гэдгээ илт илэрхийлж байна лээ.Энэ хоёр хоеулаа ариухан улс төрчид биш. Зоригтой хулгайчууд. Шоронд ороход нэг алхам буюу МАН-ын хамгаалалт суларахад чирэгдэх хоёр л доо. Бараг бүх хулгай луйвараа ярьчихлаа. Тийм учраас хамгаалалт чулах учраас УИХ-ын сонгуульд нэр дэвшихээ илэрхийлж байна. Ард түмэн бус албан тушаалтнууд “Баялагтаа эзэн болсон”. Энэхүү нийтлэлийг гол санааг Д.Сумъяабазар NTV телевизийн “Лхагвагийн зочин” нэвтрүүлгээр ярьсан билээ.
Н.МӨНХ