УИХ өчигдөр Монгол Улсын шүүх эрх мэдлийн хөгжлийн бодлого батлах тухай тогтоолын төслийг баталлаа. Энэ үеэр Шүүхийн ерөнхий зөвлөлийн дарга Л.Энхбилэг "Сүүлийн 10 жил шүүхийн засаглалын салбарт төсвийн томоохон хөрөнгө оруулалт огт байхгүй. Үүнтэй холбоотойгоор ажиллах нөхцөл байдал, байр байхгүйгээс шүүх хурал сараар хойшлох тохиолдол ч гардаг. Хөгжлийн бодлогоор энэ асуудлыг засч иргэн төвтэй шүүх болохын төлөө зорьж байна.
Монгол Улсад 526 шүүгч шүүн таслах үйл ажиллагаа явуулж, шүүхийн захиргааны 1400 орчим албан хаагч ажиллаж байна. Нийслэлд нэг шүүхийн байранд гурван шүүх байрлаж, үйл ажиллагаа явуулж байгаа. 2023 онд 106 мянган хэрэг шийдвэрлэсэн бөгөөд үүнийг 2014 онтой харьцуулахад жил тутам хэргийн тоо 1.6 дахин өсөж байна" гэв.