Өнгөрсөн сард Сонгинохайрхан дүүрэгт 10 хүн угаартсан аймшигт явдал болсон.
Тэгвэл хэдхэн өдрийн өмнө тус дүүргийн Баруун салаанд ээжтэйгээ амьдардаг 12 настай хүү гэртээ угаартаж нас барсан дахин харамсалтай явдал болжээ.
Харин хүүхдийн ээж нь эмнэлэгт хүргэгдсэн бөгөөд одоо болтол ухаангүй байгаа аж.
Сүүлийн жилүүдэд Чингэлтэй дүүргийн 32-н тойрог дээр Угаарын хяналтын төвийг ажлуулж эхэлснээр угаартаж амиа алдах иргэдийн тоо эрс буурсан байна. Гэтэл угаар мэдрэгчийг суурилуулсан айл өрхүүдийг хянадаг Угаарын хяналтын төвийг татан буулгасан гэх мэдээлэл байна.
Өөрөөр хэлбэл угаартахаас сэргийлж айл өрхүүдийг хянадаг газар одоо байхгүй болсон гэсэн үг.
Энэ жил 2024 онд ОБЕГ, Таван толгой түлш ТӨҮГ-аас Улаанбаатар хотын удирдлагуудад хандан 51 мянган айл өрхөд угаар мэдрэгч суулгах нэн шаардлагатай хэмээн саналаа өгч байжээ. Гэвч Хотын зүгээс 8 мянга болгон буулгасан аж.
Сайжруулсан түлш түлье л гэж байгаа бол утаа мэдрэгчээ л байнга асааж байх хэрэгтэй гэдгийг ч мэргэжлийн байгууллага зөвлөдөг. Тиймээс одоо утаа мэдрэгчийн тооГ нэмж, хянах газраа ч ажиллуулаач ээ , Х.Нямбаатар дарга аа!