УИХ-ын 2024 оны сонгууль болоход хэдхэн сарын хугацаа үлджээ. Тиймээс ч МАН-д гишүүн болохоор тойрогт ч, жагсаалтад ч олон хүн хүсэлтээ хүргүүлж байгаа аж.
Тухайлбал, УИХ-ын гишүүн Г.Дамдинням Дархан, Сэлэнгэ, Төв аймаг буюу сонгуулийн 5-р тойрогт нэр дэвших хүсэлтээ өгчээ.
Гэтэл тус тойрогт МАН-аас 20 хүн өрсөлдөж байгаа учир Боловсролын зээлийн санд нэр холбогдсон, хүлээлтээс хамгийн муу дүн аваад буй гишүүдийн нэг болох Г.Дамдинням квот олдохгүй бололтой.
УИХ-ын гишүүн Г.Дамдинням төлбөрийн өргүй гэж мэдэгдсэн ч БЗС-аас төлөлт хэвийн үргэлжилж байгаа гэж мэдэгдэж байсан удаатай.
Тодруулбал, Г.Дамдинням өөрийн цахим хуудсаараа дамжуулан тайлбар өгөхдөө "Одоо ч үргэлжилж байгаа энэ хөтөлбөрт 2015 онд үйлчилж байсан хууль, журмын дагуу өрсөлдөөд шалгуур хангаж сургалтын зээл авсан. Гэрээгээр хүлээсэн үүргээ биелүүлээд дууссан. Одоо ямар ч өргүй. " гэж байв.
Харин энэ талаар БЗС-ийн ажлын албаны дарга Д.Гарьд "УИХ-ын гишүүн Г.Дамдинням докторт суралцаж байгаа. Зээлийн төлөлт хэвийн байгаа" гэх мэдээллийг өгч байсан.
Өөрөөр хэлбэл, үг үйлдэл нь зөрдөг Г.Дамдинням гишүүнд дахин УИХ-д суух эрх бий юу?
Эх сурвалж: Arslan.mn