Э.Оюунболдыг Улсын дээд шүүхэд хандаж, хамгийн анхны буюу 2019 оны допингийн шинжилгээний хариу дээрээ маргаан үүсгэсэн бөгөөд уг гомдлыг яг одоо хэлэлцэж байна.
Э.Оюунболд 2019 оноос хойш хоёр ч удаагийн допингийн шинжилгээнд бүдэрсэн. Харин 2019 оны шинжилгээний хариуг эсэргүүцэхдээ анхан болон давж заалдах шатны шүүхэд хандсан байсан.
Тэгвэл 2024 оны УИХ-ын сонгуулийн өмнө УДШ-д хандаж үзэхээр шийдсэн нь энэ юм.
Тодруулбал, Э.Оюунболдын нэхэмжлэлтэй, Үндэсний их баяр наадмыг зохион байгуулах хороонд холбогдох, нийслэл дэх Захиргааны хэргийн анхан шатны шүүхийн 2020 оны 06 дугаар сарын 17-ны өдрийн 128/ШШ2020/0423 дугаар шийдвэр, Захиргааны хэргийн давж заалдах шатны шүүхийн 2020 оны 07 дугаар сарын 21-ний өдрийн 438 дугаар магадлал, Монгол Улсын дээд шүүхийн хяналтын шатны захиргааны хэргийн шүүх хуралдааны 2020 оны 11 дүгээр сарын 02-ны өдрийн 398 дугаар тогтоолыг шинээр илэрсэн нөхцөл байдлын улмаас хянуулахаар нэхэмжлэгчийн гаргасан хүсэлтийг Дээд шүүх хэлэлцэж байна.