Улсын хэмжээнд нийт зургаан сая гаруй мал хорогдсон нь нийт малын 10.2 хувийг эзэлж байна. Үүнээс Сүхбаатар аймагт 1.6 сая, Хэнтий аймагт 904.6 мянга, Архангай аймагт 692 мянган мал хорогджээ. Мөн Дорноговь аймагт 542.5 мянга, Төв аймагт 535.4 мянган мал тус тус хорогдоод байгаа нь малын хорогдол хамгийн өндөр байгаа аймгуудын тоонд багтаж байгаа юм. Мал эмнэлгийн ерөнхий газраас улсын хэмжээнд нийт мал устгалын 1577 цэг байгуулж, ажиллаж буй бөгөөд өнөөдрийн байдлаар нийт устгах ёстой сэг зэмийн устгалын ажил 17 хувьтай байна.
Харин өчигдрийн УОК-ын хуралдаанаар малын сэг зэм устгах ажлыг ирэх сарын 1-н гэхэд дуусгахыг Мал эмнэлгийн ерөнхий газрын дарга А.Нарантуяад даалгажээ.