УИХ-ын гишүүн Д.Батлут: GMP шаардлага хангаагүй үйлдвэрүүд яагаад эм үйлдвэрлэдэг вэ? Энэ шаардлагыг хангаагүй үйлдвэрүүдэд үүнд хүрэхэд нь ямар боломж олгодог вэ? Бүртгэлгүй эмүүдийг цаашид яах вэ?
ЭЭХХЗГ-ын даргын үүрэг гүйцэтгэгч Ш.Энхтуяа: Бүртгэлгүй эмүүдийг устгаж байна. Манай улсад оруулж ирдэг бүх эмийг бид хянаж чадахгүй байна. Иргэд хувиараа эм оруулж ирдэг. Уламжлалтын 6 үйлдвэр GMP аваагүй. Бусад үйлдвэр энэ шаардлагыг хангасан. Өмнө нь үндэсний үйлдвэрлэгч гээд дотоодын үйлдвэрээ дэмжих зорилгоор GPM аваагүй ч бүртгэдэг байв. Учир нь энэ шаардлагыг хангахад ихээхэн хэмжээний хөрөнгө оруулалт хэрэгтэй. Гэхдээ энэ оноос хуульд өөрчлөлт орж, GMP-гүй бол бүртгэхгүй.
УИХ-ын гишүүн Д.Батлут: Үндэсний үйлдвэрлэлийг ингэж дэмжих юм уу? Та маш ноцтой зүйл дэмжлээ. Хэрэв тэр эм нь эрүүл мэндэд ноцтой эрсдэл үүсгэвэл яах вэ? Монголчуудын эрүүл мэндээр дэнчин тавиад дотоодын үйлдвэрлэлээ дэмжих нь маш тэнэг зүйл. Та нар шаардлага хангаагүй бизнес эрхлэгчдийг л дэмжжээ. Та бүхэн бүх эмийг хянаж чадахгүй тул олон нийтийн хяналтыг хэрэгжүүлээрэй.
УИХ-ын гишүүн Ц.Туваан: Эм бүртгүүлэхэд их хугацаа зарцуулдаг. Маш их хүнд сурталтай.
Сонсгол завсарлав. 14.00 цагт үргэлжилнэ.
12 цаг 34 минут2024.04.17
Эмийн үнийн өсөлтийн шалтгаан, нөхцөлийг хянан шалгах түр хорооны нотлох баримтыг шинжлэн судлах сонсгол гурав дахь өдөртөө үргэлжилж байна. Өнөөдрийн сонсголоор лабораториудын хүчин чадал, чанар, хүний нөөцийн асуудлыг хэлэлцэж байна.
ЭЭХХЗГазар эм бүртгүүлэх хүсэлтийг хүлээн авч, ажлын тав хоногт шалгаад, төлбөр хүлээн авдаг. Гадаад улсад үйлдвэрлэсэн болон дотоодын үйлдвэрлэгчид харилцан адилгүй шаардлага тавьж байгааг шинжээч онцлов.
Тодруулбал гадаад улсад үйлдвэрлэсэн эмийг бүртгэхдээ олон тооны шинжлэх ухааны туршилтын үр дүн нэхдэг. Тэгсэн атлаа дотоодод үйлдвэрлэсэн тунг бүртгэхэд ийм шаардлага тавьдаггүй тул тун үйлдвэрлэгч ... ийм нэртэй сударт энэ тунгийн талаар бичсэн гэж үзүүлээд, эмээ бүртгүүлдэг байна.
Мөн манай улсад эм бүртгүүлэхэд 85-115 хоног зарцуулдаг гэв.
Манай улсад эмийн 40 үйлдвэр бий ч 9 нь GMP шаардлагыг хангасан. Эдгээр үйлдвэр үндэсний зайлшгүй шаардлагатай эмийн 20 хувийг үйлдвэрлэдэг. Нийт 190 нэр төрлийн эмийг дотоодод үйлдвэрлэдэг. Иргэд уламжлалт эм ихээр хэрэглэдэг тул эдгээр эмийн чанарт анхаарах хэрэгтэй. Уламжлалтын зургаан үйлдвэр давхардсан тоогоор 282 нэр төрлийн 5 сая ширхгийг жилд үйлдвэрлэдэг. Эдгээр үйлдвэр бүгд Норов 7 гэх мэт эмийг үйлдвэрлэдэг.
Селдинацил 100 мг эмийг дуурайлган үйлдвэрлэсэн. Мөн хуурамч эм илэрсэн. Өвөрхангай аймгийн эмнэлэгт энэ эмийг ашиглаж байжээ. Эмийг хадгалах, тээвэрлэх явцад чанар нь мууддаг. Баянзүрх дүүргийн эмнэлэг чанарын шаардлага хангаагүй эм байсан.
ҮАГ энэ мэтээр эмийн хяналт шалгалтын тайлангаа ЭМЯ-нд хүргүүлсэн боловч тайланг аваад ямар арга хэмжээ авсан нь тодорхойгүй.
Бусад улсад үйлдвэрлэсэн эмийг дотоодод савлаад худалдах нь түгээмэл. Гэхдээ манай улсад үүнийг нарийвчлан заасан хуулийн орчин байхгүй. Жишээ нь GMP шаардлага хангаагүй үйлдвэрийн эмийг Монголд савлаж болох уу? Гэдгийг шинжээч танилцуулав.