Өнөөдөр Засгийн газрын хуралдаанаар улс төрийн нэрт зүтгэлтэн С.Зориг агсаны хүн амины хэргийн асуудлаар олон улсын байгууллага, Хүний эрхийн байгууллагатай хамтран ажиллах ажлын хэсгийг ХЗДХ-ийн дэд сайд Б.Солонгоо ахлахаар шийдлээ. Тэрээр “Хүний эрхийн үндэсний комисс, ШЕЗ, ЦЕГ, ТЕГ гэсэн байгууллагын төлөөлөл ажлын хэсэгт орж ажиллахаар боллоо. С.Зориг агсны хүн амины хэрэгтэй холбогдуулан өмнө нь гурван шатны шүүхээс ял шийтгэл авсан иргэд Т.Чимгээ, Б.Содномдаржаагийн эрхийг сэргээх, нөхөн төлбөр олгох , зөрчигдсөн эрхийг сэргээх талаар ярилцлаа. Нэг жил орчмын өмнө эдгээр иргэдийг яллагдагчаар татсан прокурорын тогтоол хүчингүй болсон. Үүнээс хойш эдгээр иргэд зөрчигдсөн эрхээ сэргээх, нөхөн төлбөр авахтай холбоотой асуудал удаашралтай байна гэж үзсэнтэй холбоотой ЗГ-аас тусгайлсан ажлын хэсэг байгууллаа” гэв.
