Дундговь аймгийн Өлзийт сумын Дэрт нэгдүгээр багийн нутаг сум төвөөс баруун хойд зүгт 29 км-т орших Цантын хэц хэмээх газарт гуравдугаар сарын 27-ны өдрийн 12:44:45 цагт 3.8 магнитудын хүчтэй газар хөдлөлт болжээ.
Энэ тухай мэдээллийг ШУА-ийн Одон орон геофизикийн хүрээлэнгээс мөн өдрийн 12:50 цагт цахим шуудангаар ирүүлсэн байна.
ОБЕГ-аас Дундговь аймгийн Онцгой байдлын газраар дамжуулан Өлзийт сумын Засаг даргын Тамгын газрын даргаас тодруулахад газар хөдлөлтийн чичирхийлэл иргэдэд мэдрэгдээгүй бөгөөд учирсан хохиролгүй гэжээ.