Монгол Улсын Ерөнхий сайд асан Сү.Батболд Нью-Йоркт хууль бусаар олсон мөнгөөрөө үл хөдлөх хөрөнгө худалдан авч, мөнгө угаасан хэргийг тус улсын прокурорын газраас шалгаж байгаа талаар www.justice.gov сайт мэдээллээ.
Түүнийг гэр бүлийн зарим гишүүдийн хамт Нью-Йорк хотод байрлах 14 сая долларын өртөг бүхий тансаг зэрэглэлийн хоёр орон сууцыг худалдан авахдаа хууль зөрчсөн гэж үзэж, тус орон сууцыг хураахыг хүссэн иргэний гомдлыг АНУ-ын шүүх өчигдөр бүлээн авчээ.
Гомдолд "Монгол Улсын Ерөнхий сайд асан Сүхбаатарын Батболд Ерөнхий сайдын албан тушаалаа урвуулан ашиглаж эх орныхоо байгалийн баялгийг худалдсан. Тэрээр гэр бүлийн зарим гишүүдийн нэр дээр АНУ-д 14 сая долларын үнэтэй үл хөдлөх хөрөнгө худалдаж авахын тулд авлигын аргаар олсон орлогоо ашигласан” гэж Хууль зүйн яамны Эрүүгийн хэлтсийн дарга, Ерөнхий прокурорын туслах туслах Николь Аргентиери мэдэгдэв.
“Мөн тэрээр эдгээр өмч хөрөнгийг хураах болно. Клептократууд анхааралдаа авах ёстой. Авлигаар олсон орлогыг нөхөн төлж, гэмт хэргээс олсон ашгийг авахын төлөө тууштай тэмцэнэ." хэмээсэн юм.
Тус хэргийг АНУ-ын Нью-Йорк хотын зүүн дүүргийн прокурорын газраас шалгаж байгаа бөгөөд тус газар нь хууль бусаар мөнгө угаадаг аж ахуйн нэгж, хувь хүмүүсийг шалгаж, яллах үүрэгтэй аж.
ARSLAN.MN