УИХ-ын сонгууль болоход хоёр сарын хугацаа дутуу байгаа энэ үед намууд нэр дэвшигчдээ захаасаа тодруулж, сонгуульд ямар бодлого, мөрийн хөтөлбөр барьж ажиллах нь ч нийгэмд ил болж байна. Үндсэндээ энэ сонгуулиас шударга ёс хайх шаардлагагүй болж байгааг намуудын эрх бүхий албан тушаалтнууд идэрхийлж эхлээд байна. Тэдний хэлсэн үг, үйлдэлд хамтдаа дүгнэлт хийж үзье.
1. Шударга ёс, хуулийг дээдлэхээ амлаж байсан эрх баригчид АМЛАЛТаа мартаж, гэмт хэрэгтнүүдээ сонгуульд дэвшүүлнэ
МАН 2021 онд бодлого хөтөлбөрөө шинэчилснээ зарлаж, хүний эрхийг дээдэлдэг нам болсноо тунхаглаж, улмаар намаа гэмт хэрэгэн, ёс бус аашилдаг нөхдөөсөө салгаж, цэвэр ариун нам болохоо зарлаж байв.
Бүр намын дарга нь хүртэл авлигачдыг нэр дэвшүүлэхгүй хэмээн тунхаглаж байсныг сануулъя.
Харин энэ амлалтаа хоёрхон жилийн дараа мартаж, өнөөдөр шүүхээр шийдэгдээгүй л бол хэнийг ч нэр дэвшүүлнэ гэдгээ зарлав.
Энэ бол эрх баргч МАН өөрчлөгдөөгүйг, хэзээ ч өөрчлөгдөхгүйг, хэзээ ч авлигачдаасаа салж чадахгүй, тэднийхээ барьцаанаас, гарч чадахгүй гэдгийг маш том баталгаа. Өөрөөр хэлбэл, мөнгө төлсөн нь дуугаа захиалдгийн үлгэр тэнд үйлчилсэн хэвээр буюу МАН-аас төрөн гарсан үе үеийн авлига, албан тушаалын хэргээр шалгагдаж байгаа, гэмт хэрэгт холбогдсон нөхөд УИХ-ын сонгууль нэр дэвшинэ гэсэн үг.
2. Мөнгөний өмнө өвдөг сөхөрсөн АН, 100 саяын дэнчин төлсөн л бол гэмт хэрэгтэн, шударга бусчуудаа дэвшүүлэхээ хүлээн зөвшөөрөв
100 гаруй жилийн хугацаанд тогтосон хэвшлийг энэ удаад өөрчилж чадахгүй нь тодорхой бол сөрөг хүчний хувьд ч тэдэнтэй яг адилхан гэдгээ баталж байна.
Учир нь мөн л шударга зөв, олонд хүлээн зөвшөөрөгдсөн, зөв зам мөртэй хүмүүсээ дэвшүүлнэ хэмээн тунхаглаж байсан нь саяхан.
Харин өнөөдөр авлигын хэргээр шүүн таслуулаагүй л бол бусад гэмт хэрэгт холбогсдон байх нь огт хамаагүй, шалгагдаж байгаа нь огт хамаагүй, нэр дэвшиж болох тухай тэд ярилцсан болж таарч байна.
Ийнхүү хоёр том нам авлигач, гэмт хэрэгтнүүдээсээ нэгэнт салж чадахгүй нь маш тодорхой болж байна. Тиймээс тэднээс хүлээх зүйл байхгүй гэсэн үг.
3. Боловсрол, ёсзүйг эрхэмлэдэг гэх ХҮН нам нэр дэвшигчдэдээ тодорхой шалгуур тавьсангүй
Харин гуравдагч хүчин хэмээн өөрсдийгөө тунхаглагч ХҮН намынхан ямар шалгуур, шаардлагаар нэр дэвшичдээ тодруулах нь төдийлөн бүрхэг байгаа нь эндээс харагдаж байна. Хүний нөөц, чадавхи нь бэхжээгүй тус нам хэн дуртай хүнийг нэр дэвшүүлэх магадлалтай.